Í mars 2001 keypti Frumherji hf. alla sölumæla Orkuveitu Reykjavíkur fyrir rafmagn, heitt vatn og kalt vatn og hefur leigt þá til OR síðan þá. Stofnað var nýtt svið um þessa starfsemi, Orkusvið.
Starfsemi sviðsins hefur með höndum umsýslu sölumæla fyrir raforku og vatn fyrir orkuveitur. Um er að ræða allt frá innkaupum til förgunar mælanna, þ.e. innkaup, uppsetningu, niðurtekt, útskipti, viðgerðir, álestur og förgun. Frumherji á mælana og leigir til orkuveitna samkvæmt samningi þar um.
Rétt er að árétta að viðskiptavinir orkuveitna snúa sér alltaf til viðkomandi orkuveitu til að panta heimtaug / heimlögn og mælingu, fá mælingu breytt, fá álestra eða tilkynna bilanir.
Sviðsstjóri orkusviðs er Hallgrímur S Hallgrímsson.
Vottað hefur verið að orkusvið Frumherja starfræki gæðakerfi sem samræmist kröfum í ÍST EN ISO 9001:2008. Vottorðið tekur til sölumælinga á rafmagni og vatni, þ.e. uppsetningar, niðurtektar, útskiptingar, viðgerða og sölu á búnaði, auk mælaálesturs. Vottunaraðili er Vottun hf.
Senda á facebook